يا استاذى ما أحكمك
بدون اطالةالقصيدة التالية كتبها زميلى و صديقي الشاعر محمد عودة منذ 5 سنوات عند دخولنا قسم علوم الاسماك فى الكلية
وهو من الشعر الساخر الذى يتكلم باسلوب شيق وسهل ومبسط وعامى
عن حال التعليم الجامعى فى مصر المحروسة وعن الجو العام بين الطلبة
وسخطهم على بعض الاوضاع واليكم القصيدة
########################
يــا استـــــاذي ما احكـــــمك ..... ادخــــــلتنى قســـــم السمــــك
ادخلتنى قســـــــم الحـــــوت ..... قســـــم القـرش والقرمـــــوط
للدخــــــول فيــه شــــــروط ..... ان تهمــــــل مـــــــا يلزمـــــك
انــك تنــــام وتشبــع نــــوم ..... وتـــانى يــــــوم لمــــا تقــــوم
ترجع تــــانى تكــــمــل نـوم ..... لحــد امـــــــا حـــد يقـــومـــك
تشوفلك واحدة تمشـى معاها ..... والسـكـانشــن دى تنســـاهـا
هى كـلمـــة ورد غــطــــــاها ..... هتـدور عــلى ميــن يعـلمــــك
كـورس اللــف والتــوهــــان ..... فـى ايـد لطيفة وايـد ايمـــــان
وتبقـــى زي البهـلــــــــــوان ..... واحـدة لـواحـدة هتسـلمــــــك
واعـى تفكر فى يــــوم تذاكـر ..... وتعمـل نفسك طـالب شـاطــر
وتصـحى فى الصباح البـاكـر ..... ســاعتــها مـا حـد هيرحمــــك
هيقولوا عليــــك واد دحيـــح ..... ويحسدوك وسـاعتـها تطيــح
كلامى جد وصح صحيـــــــح ..... يا حبيبـي نفســــى افهـــمـــك
هـــــو ده احــــلى كــــــــلام ..... يعنى الـمـتـعـــــه والاحـــــــلام
قســـــــم السمك يــا ســــــلام ..... ولقــــــدام هـيـقـدمـــــــــــــك
22 comments:
عزيزي سكاماكا
شكرا لصديقنا الأرموطي الذي تسبب في اكتشافي لمدونتك هذه التي تلبي كثيرا من فضولي ونزواتي.. واعتقد أني سأدمن على زيارتها ما توفر لي الوقت الذي بات شحيحا في هذا العصر الهارب من وقته كالمجنون.
تحياتي
جُحَا.كُمْ
هو فيها ايه يضحك يا اسامه
بصراحه قسم السمك مش اسهل
برضه من قسم الاعلام
هو ده اللى بتعملوه فى السكاشن؟؟؟؟؟؟؟
!!!!
:)
و أنا بسأل حال البلد متدهور ليه؟ أتارى إنت و صاحبك السبب
:)
الاخ الفاضل جحا كم
اشكرك على اطراؤك الغالى والذي اسعدنى كثيرا كما اسعدتنى زيارتك الكريمة
وارجو فعلا ان يدوم التواصل بيننا
وخالص تحياتى لك
صديقى الشاعر هيثم
قسم السمك اللى مش عاجبك ده كنا ساعات بناخد السيكشن فى 8 ساعات متواصله عشان نعمل تجربة معينه فى تحليل العينات
ماكناش مرتبطين بالمواعيد الرسمية للدراسه ابدا
وعلى العموم ... السمك بيعرف يعوم
:(
تحياتى
اختى الغالية يارا
اوعى تظلمينى
انا برئ يا سعادة البيه
دى قصيده بتناقش سوء احوال التعليم
وليس بالضرورة ان تكون تلكم هى افعالنا الشخصية
ليه تحملينى قضية تردى الاحوال الجامعيه؟؟
دنا غلبان ..على رأي عادل امام فى المسرحية
نورتينى يا يارا
دمتم جميعا بخير
هاها!! نايس ون..
عجبتني بس صحبك شكلو كده متعئد من الأذكياء ليه.. b:؟؟
المهم صح لسانو..وتسلم ايديك..
يوم عن يوم الموقع بيزداد حلاوه والأحلى انك انت صاحبها ياساكاماكا.. ومتشوقى للمزيد من مواضيعك الرائعه..
حزن
هههههههههههه
ده شاعر جامد جدا جدا
ابقي انشرلنا حاجات منه تاني
تحياتي يا باشا
بالنسبة للأغنية
ف ده اللينك بتاع الصفحة و هى إسمها تتر سكة الهلالى
intro
http://6arab.com/singers-ar/east/mosalsalat-themes/index-ar.shtml
أنا لسة حالاً كنت برد عليك لقيت تعليق منك أنا كويسة قوى الحمدلله و شغالة أهوه فى المشروع و ماشى الحمدلله لغاية دلوقتى تمام بس حاسة كدة إن الدكتور مستهيفنى و مش راضى يضغط علىّ و يدينى شغل كتير مش عارفة ليه؟؟
المهم إنت إزيك؟
and how is ur wife?
do you have kids?
يلا ربنا بتمملها على خير بقى إنشاء الله و يسعدكوا بس طبعاً ها تسموها يارا
صح؟
:)
أنا بهزر بس أنا عندى إقتراحات للأسماء لو بنت
إيه رأيكوا فى كارما
أو سلمى؟؟
jana?
to7faaa
bamoot fel esm dah
i was saving it for my baby inshaallah
bas yalla mesh moshkela
:)
لا والله بتعرف تعوم
هاى
اول مرة اعرف ان فيه قسم للسمك في اى كلية
عموما متهيالي قسم كويس
بس بالنسبة للسكاشن اللى 8 ساعات دي
لما كنتوا بتجوعوا بتعملوا ايه ف السمك اللى قدامكوا
بتشوا و لا بتقلوا
ههههههههههههه
يا بختك يا عم عمالين تاكلوا ف سمك و خلاص
كريم
حلوة ياسمسم واضح من القصيدة انك كنت مقضيها فى الجامعة انت وصحبك
والاجمل ان الصداقة تستمر بينكم حتى بعد ما الدراسة تخلص
انت انسان رائع وصداقتك كنز لكل من صادقك او عرفك
تحياتى لأجمل صديق
وفى انتظار المزيد
إيه يا أسامة إنت فين؟
ما تقليش لسة بتكتب فى التاج اللى خانقك
لا والله يا يارا
انا ماكتبتش فيه ولا كلمة
وشكلى مش هكتب حاجه خالص
مش عارف مالى نفسى قفلت من كل حاجه وبفكر جديا انى اقفل البلوج
واكتفى بالبلوج التانى بتاع الصور
على العموم شكرا على سؤالك
ماتحرمش منك ابدا يا اختى العزيزة
يعنى مش لاقية كلام أقولهولك غير بجد زعلت منك.. مش إنت اللى قاتلى إكتبى أى حاجة أو إحكى عن أى حاجة المهم تفضلى تكتبى عشان التدوين إتعمل عشان نعبر بيه عن كل اللى جوانا المفروض إنت بذات ما تبطلش تكتب عشان الكتابة ها تحسسك إنك وسط الناس و إنك مش برة مصر
غير رأيك ده بسرعة أحسنلك
وانا لسه كنت هأسالك انت ليه اختارت اسم ساكاماكا نيوز ليه؟
ده ليه علاقة بالسمك ؟
;)
ياعزيزى شر البلية مايضحك
التعليم فى مصر
سمك
لبن
تمرهندى
ياسيدى الحمد لله أنك اتخرجت
على الاقل لحقت تعليم
انا حاسس الاجيال الجديده دى
ربنا يستر
سلام
:)
روعة هالقصيدة
احبائي
اشكركم جميعا على دعمكم المستمر والمتواصل
عزيزي عمور
اوعدك انى هنشرله حاجات تانية
بس لما اتلايم عليه الاول لأنه مشغول جدا وبينا بلاد زي ما انت عارف
يارا
اشكرك اختى العزيزة على كل شيء
الصديقة من لبنان خوتا
انتى وينك من زمان
شو هالغيبة؟
تحياتى
ايه الروقان والحلاوة دي ياسمسم
للدخــــــول فيــه شــــــروط ..... ان تهمــــــل مـــــــا يلزمـــــك
انــك تنــــام وتشبــع نــــوم ..... وتـــانى يــــــوم لمــــا تقــــوم
ترجع تــــانى تكــــمــل نـوم ..... لحــد امـــــــا حـــد يقـــومـــك
الطقم ده عجبني أوي أوي ياسمسم
طبعا انت عارف ليه
باسمه
بعدني بلبنان اللي شاغلني
وشاغل كل العرب
:)
معاكى حق والله يا خوتا
الوضع عندكم مش مستقر بقاله فترة
ربنا يهدي الفرقاء ويجمعهم على كلمة واحدة عشان خاطر لبنان وشعبه الطيب الغالى
كفايه تصارع وعند بقى
مش كده ولا ايه؟؟
نورتينى يا خوتا والله وسعيد جدا بيكى
دمتى بحفظ الله
باسمة الغالية
طبعا طبعا انا عارف ليه
دحنا دفنينه سوى
لول
انتى شاعرة مبدعة ... ممكن تكتبيلنا حاجه مشابهة كده
وانا متأكد انها هتكون خطيرة
يلا ورينا الهمة وماتكسفنيش
تحياتى لكم جميعا يا أحبائي
Post a Comment