ايه الحكاية؟

Technorati Profile

الحكاية مش حكاية بلد بيتسرق او بيتنهب او بيستباح او او او .....الخ
الحكاية حكاية حاكم جبار بيحكم بالحديد والنار ، فقد شرعيته ومعاها فقد اتزانه
الحكايه مش حكاية ديموقراطيه وانتخابات
الحكايه حكاية حاكم جبان خلى المصري مهان ...كائن مشوه بلا كيان ، حرموه من المعاملة الادمية
ومن حقه في عيشة نظيفة وهنية.
شعبنا شعب غلبان ....نفسه ياكل ويشرب وينام....ويلاقى رغيف عيش نظيف من غير رمل ورصاص وفضلات فئران....شعب نفسه يتعلم صح ويتعالج صح ويحس بالأمان.

الحكاية مش حكاية دولة فقيره
الحكاية حكاية بلد منهوب ....مليان خير وثروات مالها حدود....بس خيرها يا اما ضايع يا غير مستغل يا مسروق....بلد موبوءة بقوى غريبة مش عاوزالها الخير وبتحارب اي فكره مفيده او مشروع ناجح او حتى حلم بسيط.

دلوقتى وحنا في ازهى عصور الحرامية وبعد مرور اكثر من ربع قرن على حكومة الحزب الوثنى او الحزن الوطنى تقدر تقولى مصر وصلت فين ؟ فين المكانة والريادة والثقل الدولى؟؟ فين الحضارة والنمو؟؟
فين النظافة والتطور والرقى؟؟

بعد 30 سنة من اللاحرب (يعنى مفيش حجه لإستنزاف الدخل القومي) ايه اللى حصدناه بعد كل السنين دي؟؟؟!!
انا اقولك
مكانه دوليه فشنك وبلتالى مفيش هيبة ولا كلمه.
بنيه تحتيه متهالكة
تعليم فاشل (طالب الجامعه بيطلع مش عارف حاجه)وترتيب جامعاتنا دوليا مخزى
رعايه صحيه مفقودة
نسبة بطاله رهيبة
نسبة عنوسه خطيره (بعض الاحصاءات تقول ان عدهن فوق ال5 مليون عانس)
بحث علمى ....لا يوجد
تلوث وقذاره في كل ارجاء مصر

الجزء الاول انتهى
يتبع،،